Rreth 50 punëtor të ATK-së “shkojnë në shtëpi”

Afër pesëdhjetë punëtor të cilët janë punësuar nga viti i kaluar në Administratën Tatimore të Kosovës iu ka skaduar kontrata e punës që kishin me këtë institucion.

Indeksonline mëson se të njëjtit ishin punësuar pasi kishte hyrë në fuqi ligji për faljen e borxheve publike. Megjithatë, ATK-ja është zotuar se këta punëtorë do të kenë përparësi për tu punësuar dhe do të futën në listën rezervë.

Zëdhënësja e këtij institucioni, Valentina Bytyqi-Sefa konfirmoi se largimi i tyre nuk është bërë me ndonjë pretekst, veçse të njëjtit kishin kontratë deri më 31 të muajit tetor.

“Ata kanë qenë për ndihmë sa i përket ligjit për faljen e borxheve për mbledhësit tatimor. Konkurs ta hapur s’kemi pas por kemi marrë punëtor për një kohë të caktuar. Ata s’janë largu prej pune por e kanë ditë që ka qenë 6 mujor dhe ju ka shtyrë edhe pak”, ka thënë ajo.

Bytyqit-Sefa në fund bëri të ditur se nuk ka ndonjë largim të ndonjë punëtor tjetër të ATK-së, siç ishte publikuar në disa medie.

Lexo edhe:  15 milionë euro për vetura me qira